මවකි මමත්

 

දින ගනන් ගත වේවී යනකොට

පුංචි බයකුත් දැනුන මුත්

කිරි කැටි සිනා නුඹෙ දකින තුරු මට

නෑ තිබුනෙ ඉස්පාසුවක් 

නුඹ කෙසේ දැයි සිතන විට මට 

නර්ස් නෝනගේ පිළිතුරක් 

පුතු පැටියෙක් කුසේ අම්මේ

ඇය කිව්වා මගෙ අත බදන්

දස මසක් කුස හෝවා ගත් නුඹ 

පුංචි මැනිකක් මට වුනේ

දිනෙන් දින මම දවස් ගැන්නේ

හොවා ගන්නයි මගෙ ගතේ

කිරි සුවද ගත හිතට දැනෙන විට

කියා ගන්නට බෑ මෙසේ

උතුම් පදවිය මවක් ලෙස මට

දුන්නු නුඹ මට රජෙක් පුතේ

සිතේ ඇදුනා වූ එකී රූපය

ජීවමානයි මට පෙනේ

සතුටෙ කෙලවරක් නෑ මෙමට දැන්

වේදනාවක් නොම දැනේ

දුටුව විට ඒ පුංචි රූපය 

නෙතෙන් කදුලක් මගෙ සැලේ

පුංචි පුතේ මගෙ හයිය වෙයන් නුඹ

රකිනවා මං මගෙ පන වගේ